Carta de presentación

 (Extracto de la carta de presentación del presidente de la Sociedad de Caza y Pesca Val d’Aran enviada a los socios en aranés)

Planvolut/a sòci/a,

Un còp dubèrt eth plaç entà presentar candidatures entara Presidéncia dera Societat de caça e pesca Val d’Aran, era Junta Electorau mos a comunicat que sonque s’auie presentat era nòsta candidatura e mos proclamauen coma Junta Directiua dera madeisha sense besonh de campanha ne votacion.

Açò non ei motiu entà que ben lèu enviaram un resumit deth nòste programa entad aguest periòde.

Demoram qu’era manca de d’autes candidatures non sigue per desinterès e òc per compdar tamb un vòt de fidança dera majoritat des sòcis/es un còp assabentada publicament era nòsta volontat de presentar aguesta candidatura.

Coma poderatz veir, èm ua candidatura plan joena e fòrça aficionada as espòrts dera nòsta Societat, tamb bèth membre de reconeishuda e nomentada experiéncia. Un des principaus objectius ei precisament crear aficion e compatibilizar era madeisha tamb era rèsta d’activitats que se desvolopen en Aran.

Ei cèrt que patim eth sètge de bèri sectors dera nòsta societat e inclús de bèri partits politics, mès era nòsta aficion ei absolutament respectuosa tamb er entorn naturau e tot aquerò qu’açò implique, en tot èster necessari er equilibri cinegetic des nòstes montanhes e rius coma ua des riqueses d’aguest petit país, defenent era aficion qu’auem, coma part dera nòsta pròpria identitat.

Enquia era nòsta pròplèu comunicacion tamb eth resumit deth nòste programa, recebetz ua plan cordiau salutacion,

Oriol Broto Salgueiro
President dera Societat de Caça e Pesca Val d’Aran